கடந்த 16 நாட்களாக உலகின் கவனத்தைத் தன் பக்கம் இழுத்து வைத்திருந்த பெய்ஜிங் ஒலிம்பிக் போட்டிகள், கோலாகலமான நிறைவு விழா நிகழ்ச்சிகளுடன் ஆகஸ்டு 24 அன்று நிறைவடைந்தன.
உலகின் பார்வையைத் தன் வசம் வைத்திருந்த ஒலிம்பிக் விளையாட்டுப் போட்டிகள் இன்றுடன் வெற்றிகரமாக நிறைவு பெற்றன. கடைசி நாளான ஆகஸ்டு 24 அன்று தடகளம், கூடைப் பந்து, குத்துச் சண்டை, ரித்மிக் ஜின்னாஸ்டிக், கால்பந்து, வாட்டர்போலோ ஆகிய பிரிவுகளில் 12 தங்கப் பதக்கங்களுக்கான போட்டிகள் நடந்தன.
தொடக்க நிகழ்ச்சியில் 15,000 கலைஞர்கள் அற்புதமான நிகழ்ச்சிகளை நடத்திக் காட்டி பிரமிக்க வைத்தனர். நிறைவு விழாவில் 7,000 கலைஞர்கள் கலை நிகழ்ச்சிகளை நடத்தினர். 204 நாடுகளைச் சேர்ந்த 10,500 விளையாட்டு வீர வீராங்கனைகள் இதில் பங்கேற்றனர்.
நான்கு ஆண்டுகளுக்கு ஒருமுறை நடைபெறும் உலக விளையாட்டுத் திருவிழாவான ஒலிம்பிக் போட்டிகள், இந்த ஆண்டு பெய்ஜிங் நகரில் நடந்தன.
--
Fireworks light up night sky during the Closing Ceremony for the Beijing 2008 Olympic Games on August 24, 2008 in Beijing, China.
People Of Thambiluvil
No comments:
Post a Comment